Negli anni 70 scrissi la poesia che segue pubblicata poi nel mio libro di versi N'ATU DIMANE pubblicato dalle Edizioni del Delfino -Napoli nel Giugno 1982.
Purtroppo a distanza di oltre 30 anni questi versi sono talmente attuali che sembrano essere scritti oggi.
Li propongo:


BASTA CU''E SUONNE

Tu staje durmenno 'a troppo tiempo ormaje
'mbracci''e canzone, 'o sole, 'a luna, 'o mare,
mentre tenimmo na muntagna 'e guaje
assapuranno 'e lacreme cchiù amare.

No, nun se pò campà na sceneggiata
c''o popolo ca è sempe 'o primmo attore
cu' na ferita antica maje sanata
e tante e quante spine dint''o core.

Giesù Cristo nascette 'ncopp''a terra
fui mise 'ncroce ma resuscitaie
ma 'sta città sta sempe miez''a guerra
senza truvà nu poco 'e pace, maie.

'Ncopp''e disgrazie stanno speculanno
arricamanno ciente e cchiù buscie
stammo dint''a 'mmunnezza ma nun sanno
'o sudore che scorre miez''a via.

'O sanghe ca se jette pe' dà 'o ppane
a tanta vocche a stommaco vacante
campanno cu''a speranza 'e nu "Dimane..."
suffrenno 'int''o silenzio comm''e Sante.

Basta però chisto è mumento, è ll'ora
tu stai durmenno 'a troppo tiempo e 'o ssaje
è overo ca vulisse durmì ancora
ma è fore tiempo 'o suonno ca te faje.

Chitarre, manduline, serenate
so' sulamente na scenografia
sulo ricorde 'e juorne già passate,
Napule, nun se campa 'e fantasia.

Levate 'a cuollo 'e panne d''a riggina
e miettete cu''a capa e c''o penziero
a straccià tutte quante 'e ccartuline
ca nun so' cchiù 'o ritratto tuio sincero.

E arapele chist'uocchie finalmente
facimmele sta zitto chistu munno
e faticammo dignitosamente
pecchè è fernuta l'epoca d''e suonne.

©copyright LUCIANO SOMMA

Rielaborata in lingua italiana da Gilbert Paraschiva

BASTA COI SOGNI

---

Stai dormendo da troppo tempo ormai

vivendo del Vesuvio e del tuo mare,

e ci hai lasciato in un mare di guai

facendoci gustar lacrime amare.



Non si può vivere di sceneggiate

con noi, napoletani, primi attori,

con le ferite antiche e mai sanate

che han riempito di spine i nostri cuori!



Si, Gesù Cristo nacque sulla terra

fu messo in Croce ma resuscitò,

ma a Napoli, par di star sempre in guerra

l’immondizia è diventata un gran falò!



Su questa piaga stanno speculando

riempiendoci la testa di bugie!

Siamo nell’immondizia! Ma lo sanno

che questa porta tante malattie?



Chitarre, mandolini e serenate

son solo per pura scenografia!

Un semplice ricordo del passato!

Napoli, non vivere di fantasia!



Togliti questi panni da “Regina”,

mettiti bene in testa e nel pensiero

che è solo sogno quella cartolina,

che non è più il tuo ritratto vero!



E cerca di aprir gli occhi finalmente,

mettendo in condizioni il mondo intero

di capir che noi dignitosamente

faremmo partir, Napoli, da zero!


Luciano Somma



·